ვაკის გამგეობამ 200-მდე დაზარალებული ადამიანის შესახლება კერძო სასტუმროებსა და ბინებში დაასრულა. დაზარალებულებს გადასცეს ტანსაცმელი, პირველადი საჭიროების ნივთები და საკვები. ვაკის გამგეობა დაზარალებულთა საჭირო ნივთებით უზრუნველყოფას რამდენიმე დღის განმავლობაში გააგრძელებს. გაწმენდითი სამუშაო სრული მობილიზაციით მიმდინარეობს წყნეთის ხევში, ბეთანიაში, ცენტრალურ ვაკესა და ნუცუბიძის ქუჩაზე. დაზარალებული მოსახლეობა სასტუმროებში რამდენიმე დღე დარჩება, რის შემდეგაც მათთვის სახლების დაქირავება მოხდება.
