ფინანსთა სამინისტრომ სტიქიის შედეგად დაზარალებული მოსახლეობისთვის ტანსაცმელი, ლეიბები, საბნები, საკვები პროდუქტები და საყოფაცხოვრებო ნივთები შეაგროვა.
სამინისტროს მომსახურების სააგენტოს მიერ ჩვენი თანამოქალაქეებისთვის პირველადი დახმარების გაწევის მიზნით, თბილისის და დასავლეთ საქართველოს ბაზებზე არსებული საქონელი ვაკის რაიონის გამგეობის შენობაში ფინანსთა მინისტრის პირველმა მოადგილემ, შემოსავლების სამსახურის უფროსმა გიორგი თაბუაშვილმა ფინანსთა სამინისტროს სისტემის თანამშრომლებთან ერთად მიიტანა.