ბანკი „რესპუბლიკა“ ჯგუფი სოსიეტე ჟენერალი სტიქიით დაზარალებულებს მხარდაჭერას უცხადებს. 13 ივნისს მომხდარი სტიქიური უბედურებით დაზარალებული ოჯახების დასახმარებლად ბანკმა 30 000 (ოცდა ათი ათასი) ლარის ოდენობის ფინანსური დახმარება გამოყო. ასევე, დაზარალებული ოჯახებისათვის შეგროვილი პირველადი მოხმარების საგნები საქართველოს წითელი ჯვრის საზოგადოებას გადაეცა.
ბანკში გახსნილ ანგარიშის ნომერზე GE74BR0000000036080080, მიმდინარეობს ფულადი დახმარების მობილიზება. ნებისმიერ მსურველს 24 საათის განმავლობაში შეუძლია თანხის შეტანა შემდეგი ფილიალების მეშვეობით, დღეს: თბილისი, ჭავჭავაძის გამზ. #13; თბილისი, აეროპორტის სერვის ცენტრი; ბათუმი, გოგებაშვილის ქ. # 24. ხვალიდან კი თანხის შეტანა ბანკ „რესპუბლიკის“ ყველა ფილიალში და სერვის-ცენტრში იქნება შესაძლებელი.
ბანკი„რესპუბლიკა“ და მისი თანამშრომლები ღრმა მწუხარებას უცხადებენ დაღუპულთა ოჯახებს და განაგრძობენ დაზარალებულთა მხარდაჭერას.
