გარემოსა და ბუნებრივი რესურსების დაცვის მინისტრის გიგლა აგულაშვილის განცხადებით, მოვლენების გამეორების ალბათობა დიდი არ არის, მაგრამ გამორიცხული არაა. მან მტავრობის საგანგებო სხდომაზე აღნიშნა, რომ შებინდების შემდეგ, უმჯობესია სამაშველო სამუშაოების შეჩერება.
,,დღეს საღამოს ნალექი ისეთი მოცულობის აღარ იქნება, როგორი რაოდენობითაც გუშინ იყო.
ხვალინდელი საღამოდან უფრო მეტი ნალექია მოსალოდნელი, შკალური ქარი ჰაერის მასებით. ვფიქრობთ, რომ დაბინდების შემდეგ სამაშველო სამუშაოები უნდა შევაჩეროთ. მოვლენების გამეორების ალბათობა დიდი არ არის, მაგრამ გამორიცხული არაა. ამიტომ, გონივრული იქნება სამუშაოები დილიდან, ისევ ამ პროცესში განვაახლოთ“, - განაცხადა გიგლა აგულაშვილმა.
მისივე თქმით, სტიქიის ზონაში 20 მეწყრული უბანი იყო. ყველაზე დიდი უბანი კი, წყნეთი-ახალდაბის მონაკვეთზე დაფიქსირდა.
აგულაშვილის ინფორმაციით, ამავე მონაკვეთზე, ჩამოსაშლელი ქანების ნაწილი კიდევ არის დარჩენილი, რომელიც ნალექის მოსვლის შემთხვევაში, შესაძლოა, ჩამოიშალოს.
„კრიზისების საბჭოსთან ერთად, შემუშავებულია მოქმედების გეგმა. ასევე, შინაგან საქმეთა და თავდაცვის სამინისტროსთან ერთად შესაძლებელია, თუ ასეთი პროცესები განვითარდა, ეტაპობრივად და ფრთხილად, ამ პროცესის ისე გაშლა მოხდეს, რომ ახალი ტალღები არ წარმოიქმნას. გვაქვს ასევე სხვა რეკომენდაციები“, - განაცხადა მინისტრმა.
