წუხელ, თბილისში მომხდარი სტიქიური უბედურების გამო დედაქალაქის მუნიციპალიტეტის საკრებულოს ოცდახუთივე სამაჟორიტარო ბიურო საგანგებო რეჟიმში მუშაობს,- ამის შესახებ,,ჯი-ეიჩ-ენს” საკრებულოდან აცნობეს.
სახელმწიფო სტრუქტურები, დედაქალაქის საკრებულო, მერია და შესაბამისი სამსახურები მობილიზებულნი არიან და სტიქიის შედეგად მიყენებულ ზარალს ერთად უმკლავდებიან. საკრებულოში არ წყდება მოქალაქეების ზარები, რომლებიც მზად არიან გვერდში დაუდგნენ ხელისუფლებას და მონაწილეობა მიიღონ სამაშველო სამუშაოებში, ასევე ჰუმანიტარული დახმარება გაუწიონ დაზარალებულებს.
თბილისის საკრებულო მოქალაქეებს მადლობას უხდის მხარდაჭერისთვის და აღნიშნავს, რომ ამ დროისათვის მოხალისეების ჩართულობის საჭიროება აღარ არსებობს.
მათ შეუძლიათ მიმართონ სამაჟორიტარო ბიუროებს, რომლებიც კოორდინაციაში იმყოფებიან მერიასთან და დატოვონ კოორდინატები.
იმ შემთხვევაში, თუ დამატებითი ჯგუფების გამოყვანა გახდა საჭირო, ბიუროს წარმომადგენლები მოხალისეებს თავად დაუკავშირდებიან. მოქალაქეებმა, კი რომლებსაც სურვილი აქვთ სხვა სახის დახმარება გაუწიონ დაზარალებულებს, შეუძლიათ სამაჟორიატრო ბიუროებსა და გამგეობებს მიმართონ.