სტიქიის გამო დროებითი ცვლილებებია მუნიციპალური ტრანსპორტის მუშაობაში. როგორც დედაქალაქის მერიის მიერ გავრცელებულ განცხადებაშია ნათქვამი, ავტუბუსების მოძრაობის მარშრუტები შეიცვალა.
„13 ივნისს თბილისში მოსული სტიქიის გამო დროებითი ცვლილებებია მუნიციპალური ტრანსპორტის მუშაობაში. კერძოდ, თბილისის რამდენიმე ქუჩაზე და მოედანზე მოძრაობის შეზღუდვის გამო, შეიცვალა შესაბამისი ავტუბუსების მოძრაობის მარშრუტები:
მარშრუტი № 6, 92, 140 და 150 - იმოძრავებს სპორტის სასახლის მიმდებარე ტერიტორიამდე;
№ 21 - წერეთლის გამზირიდან - სააკაძის მოედნის და ვაჟა-ფშაველას გამზირის გავლით უნივერსიტეტის მაღლივ კორპუსამდე;
№ 14, 51 - იმოძრავებს სააკაძის მოედნამდე;
№ 31, 37 - იმოძრავებს აღმაშენებლის გამზირით;
№ 34 - ვაჟა-ფშაველას გამზირით - თამარაშვილის ქ. - წყნეთამდე.
გმირთა მოედნისა და მარჯვენა სანაპიროს ნაწილობრივ დახურვის გამო დროებით შეზღუდულია შემდეგი მარშრუტების მოძრაობა - № 9, 42, 59, 61, 66, 78, 85, 87 და 88.
გზების გაწმენდის პარალელურად მოხდება აღნიშნული მარშრუტების ჩვეულ რეჟიმში დაბრუნება. დამატებითი ინფორმაცია შეგიძლიათ მიიღოთ სატრანსპორტო კომპანიის ცხელ ხაზზე 2 93 44 44
გუშინდელ სტიქიას დაზიანებები არ გამოუწვევია თბილისის მეტროს ინფრასტრუქტურისთვის, შესაბამისად, თბილისის მეტრო ჩვეულებრივ რეჟიმში აგრძელებს მუშაობას“,-ნათქვამია განცხადებაში.
თბილისის სატრანსპორტო კომპანია მგზავრებს შექმნილი დისკომფორტისთვის ბოდიშს უხდის.