მომხდარი ტრაგედიის გამო მე-11 კლასის დამამთავრებელი გამოცდის აპრობაციის ჩატარდების ნაწილში ცვლილებებია. როგორც განათლებისა და მეცნიერების სამინისტროს განცხადებაშია აღნიშნული გამოცდა მხოლოდ იმ სკოლებში ჩატარდება, სადაც ელექტროენერგია და უწყვეტი ინტერნეტი იქნება. ამასთან იმ უბნებში, სადაც მოსწავლეების გადაადგილება არ არის საფრთხის შემცველი.
,,თბილისის გარკვეულ სკოლებს სტიქიამ პრობლემები შეუქმნა. ხვალ მე-11 კლასის დამამთავრებელი გამოცდის აპრობაცია ჩატარდება მხოლოდ იმ სკოლებში, სადაც ელექტროენერგია და უწყვეტი ინტერნეტი იქნება და იმ უბნებში, სადაც მოსწავლეების გადაადგილება არ არის საფრთხის შემცველი.საქართველოს განათლებისა და მეცნიერების მინისტრის ხელმძღვანელობით შექმნილია სპეციალური სამუშაო ჯგუფი, რომელიც მსგავსი პრობლემების მქონე სკოლებში დამამთავრებელი გამოცდების ორგანიზების საკითხებზე იმსჯელებს”, _ნათქვამია განცხადებაში.
