გასულ ღამეს თბილისში ნალექის ოდენობამ 49 მმ შედგინა. ამის შესახებ ,,ჯი-ეიჩ-ენს” გარემოს დაცვის სამინისტროს სინოპტიკოსმა სვეტა ნიორაძემ განაცხადა.
,,გასულ ღამეს თბილისში 12 საათში 49 მმ -ის ნალექი მოვიდა”, _განაცხადა სვეტა ნიორაძემ.
შეგახსენებთ, რომ გასულ ღამეს თბილისში მოსული უხვი ნალექის შედეგად დაიტბორა ქუჩები, დაიღუპა რამდენიმე ადამიანი. უხვი ნალექის შედეგად ადიდებულმა მდინარე ვერემ გაანადგურა, ზოოპარკი, გაქცეულ ცხოველებს კი თბილისის სხვადასხვა უბანში პოულობენ. სალიკვიდაციო სამუშაოებში აქტიურადაა ჩართული ხელისუფლების ყველა ორგანო.
