სახელმწიფო უსაფრთხოებისა და კრიზისების მართვის საბჭოს ხელმძღვანელის მინდია ჯანელიძის განცხადებით, საბჭოში შექმნილია საგანგებო შტაბი, რომელსაც პრემიერი ხელმძღვანელობს.
,,პირველ არხთან” საუბრისას მან განაცხადა, რომ შტაბი 15:00 საათზე შეიკრიბება და კრიზისული ვითარების გადალახვის გზებზე იმსჯელებს.
მისივე თქმით, ყველა შესაბამისი უწყება საგანგებო რეჟიმში მუშაობს, სიტუაცია სტაბილურია და მოსახლეობას პანიკის საფუძველი არ აქვს.
„ღრმა მწუხარებას გამოვთქვამ, რომ სტიქიას მოჰყვა მსხვერპლი, დადასტურებული ინფორმაციით რვა ადამიანია გარდაცვლილი, მინდა გარდაცვლილთა ოჯახებს მივუსამძიმრო.
არსებობს ინფორმაცია უგზო-უკვლოდ დაკარგულების შესახებ, თუმცა ზუსტი ციფრი არ არსებობს.
ამ ეტაპზე სახელმწიფო უსაფრთხოებისა და კრიზისების საბჭოში შექმნილია საგანგებო შტაბი, შტაბს ხელმძღვანელობს პრემიერ-მინისტრი, ჩართულია ყველა უწყება, რომელიც აუცილებელია კრიზისული ვითარების გადალახვისთვის, თითოეულ უწყებას გააჩნია თავისი სამოქმედო გეგმა. ამ გეგმის ფარგლებში ისინი ახორცილებენ სამუშაოებს.
მისივე თქმით, სიტუაცია არის სტაბილური, პანიკის საფუძველი არ არსებობს და ვითარება კონტროლს ექვემდებარება.