თბილისში სტიქიის შედეგად ერთი ადამიანი დაიღუპა და ხუთი დაკარგულად ითვლება.
ეს განცხადება რუსთავი2-ის პირდაპირ შს მინისტრმა, ვახტანგ გომელაურმა, გააკეთა.
ადგილზე მომუშავე მაშველებმა კი კურიერთან თქვეს, რომ გარდაცვლილი ქალბატონია.
ამასთან, ამ დროისთვის მეწყერის ქვეშ მოყოლილია რამდენიმე მანქანა. მაშველები ამბობენ, რომ ამ დროისთვის მათთვის უცნობია, მეწყერში რამდენი მანქანა და რამდენი ადამიანია მოყოლილი.
ამ ტერიტორიაზე რამდენიმე წუთის წინ ევაკუაცია გამოცხადა, რადგან კიდევ არსებობს ზვავის ჩამოწოლის საშიშროება.
შს მინისტრი აცხადებს, რომ არ ფლობს ინფორმაციას გარდაცვლილი მაშველების შესახებ.
ვახტანგ გომელაურის თქმით დაკარგულთა შორის სამი ქალბატონია, ხოლო გვირაბებში ჩარჩენილია რამდენიმე მანქანა და ვერ ხერხდება სამაშველო ოპერაციის დაწყება.
რუსთავი 2
