საქართველოს პრემიერ-მინისტრმა, ირაკლი ღარიბაშვილმა, დედაქალაქში შექმნილი მძიმე ვითარების გამო საგანგებო განცხადება გაავრცელა.
"სამაშველო ჯგუფები მობილიზებული არიან დედაქალაქის ყველა რაიონში, რათა შესაბამისი სამუშაოები მაქსიმალურად მოკლე ვადებში ჩატარდეს და დაზარალებულ მოსახლეობას დახმარება დროულად აღმოუჩინონ.
ძლიერი წვიმის გამო, თბილისის ზოოპარკიდან ცხოველები გაიქცნენ. საგანგებო შტაბი მოსახლეობას მოუწოდებს, არ აჰყვეს პანიკას და არ გაავრცელოს გადაუმოწმებელი ინფორმაცია. ასევე, არ დატოვონ საცხოვრებელი ადგილები.
ადგილზე მობილიზებულია ყველა შესაბამისი სამსახური და ყველაფერი კეთდება გაქცეული ცხოველების უმოკლეს დროში დასაბრუნებლად," - ნათქვამია განცხადებაში.