უკრაინის პრეზიდენტი მარიუპოლში იმყოფებოდა. პეტრო პოროშენკომ საფორტიფიკაციო ნაგებობები მოინახულა, რომლის მშენებლობაც უკრაინას მილიარდი გრივენი უჯდება და რომელმაც უკრაინა რუსული აგრესიისგან უნდა დაიცვას. ადგილობრივ მოსახლეობასთან შეხვედრისას უკრაინის ლიდერმა საკონსტიტუციო ცვლილებებზეც ისაუბრა, რომელსაც უმაღლესი რადა უახლოეს რამდენიმე კვირაში მიიღებს. აღნიშნულმა ცვლილებებმა უკრაინაში ხელისუფლების დეცენტრალიზაცია უნდა უზრუნველყოფს, თუმცა როგორც უკრაინის პრეზიდენტი აცხადებს, არანაირ ფედერალიზაციაზე საუბარი არ იქნება და უკრაინა უნიტარულ სახელმწიფოდ დარჩება. “რაც შეეხება ქვეყნის ტერიტორიული მთლიანობის საკითხს, არანაირ კომპრომისზე არ წავალთ. უკრაინაში ე.წ. რესპუბლიკები არ იარსებებს,”-აღნიშნა პოროშენკომ.
