რუსეთსა და გაერთიანებეული ერების ორგანიზაციას შორის განხილვის მთავარი საკითხი, რუსეთის მიერ გაერო-ს ბოლო წესდების უხეშ დაღვევას ეხება, რითაც მან, ფაქტობრივად, მეზობელი სახელმწიფოს კუთვნილი ტერიტორია მიისაკუთრა. ამის შესახებ ჟურნალისტებს გაერო-ს უშიშროების საბჭოს აშშ-ს მუდმივმა წაემომადგენელმა სამანტა პაუერმა კიევში განუცხადა.
მისი თქმით, მაშინ, როცა რუსეთმა ყირიმში ე. წ. რეფერენდუმის ჩატარება გადაწყვიტა, აშშ და უკრაინა მიხვდა, რომ გაერო-ს უშიშროების საბჭოს მასზე დაკისრებული მოვალეობის შესრულებას ვერ აიძულებდნენ, ამიტომ გენერალურ ასამბლეას მიმართეს.
,,რუსეთის გასაკვირად, მაშინ საკმარისზე მეტი ხმების მოპოვება შევძელით, რათა ჩვენი რეზოლუცია გაგვეტანა.
მსოფლიოს 100-მა სახელმწიფომ მისცა ხმა დოკუმენტს, რომელიც უკრაინაში ტერიტორიული მთლიანობის შენარჩუნების ვალდებულებას ადასტურებს და ეს გადაწყვეტილება გაერო-ს რუკებზე დღემდე აისახება, სადაც ყირიმი აღნიშნულია, როგორც უკრაინის სუვერენული ტერიტორიის ნაწილი.”- აღნიშნა პაუერმა.
ჟურნალისტის კითხვაზე, ასეთ შემთხვევაში შეძლებს კი გაერო-ს უშიშროების საბჭო აღმოსავლეთ უკრაინაში სამშვიდობო მისიის ამოქმედებაზე რეზოლუციის მიღებას, პაუერმა განაცხადა, რომ რუსეთის აზრის გაუთვალისწინებლად ასეთი გადაწყვეტილების მიღება გაუჭირდებათ, ვინაიდან მას, როგორც საბჭოს წევრს, გაერო-ს სამშვიდობო მისიის კონფიგურაციაზე გავლენის მოხდენა შეუძლია.
შეგახსენებთ, რომ გაერო-ს უშიშროების საბჭოში აშშ-ს მუდმივი წარმომადგენელი სამანტა პაუერი რუსეთის აგრესიული და დამპყრობლური პოლიტიკის წინააღმდეგ წარსულშიც არაერთხელ გამოვიდა.
მან მიმდინარე წლის მარტში რუსეთის მიერ ყირიმის ანექსია პირდაპირ დაგმო და ამ ფაქტს უკანონობა უწოდა.
