თურქეთის პრემიერ-მინისტრი აცხადებს, რომ კოალიციური მთავრობის ფორმირებისთვის მმართველი პარტია მზად არის. „თურქეთის მომავალი უფრო მნიშვნელოვანია, ვიდრე პოლიტიკური პარტიების ინტერესები. ამიტომ, თუ სხვა პარტიებიც მზად არიან, კოალიციური მთავრობის ფორმირება უნდა დავიწყოთ. ერთადერთი, რაც არ უნდა დავუშვათ, ქვეყანაში ქაოსის შექმნაა,“-აღნიშნა ახმეტ დავითოღლუმ. კოალიციური მთავრობის შექმნის საკითხი დღის წესრიგში მას შემდეგ დადგა, რაც მმართველმა პარტიამ საპარლამენტო არჩევნებში უმრავლესობის შესაქმნელად საჭირო ხმები ვერ მიიღო.
