ოდესის ოლქის გუბერნატორის პოსტზე მიხეილ სააკაშვილის ყოველთვიური ხელფასი 5 644 უკრაინული გრივნაა, რაც უკრაინული ვალუტის კურსით ამ დროისთვის 250 აშშ დოლარს არ აღემატება.
მისი შრომითი ანაზღაურების შესახებ ოფიციალური დოკუმენტი საოლქო ადმინისტრაციის აპარატის უფროსმა და გუბერნატორის ერთადერთმა ლეგიტიმურმა მოადგილემ, ვლადიმერ კულაკოვმა მას შემდეგ გამოაქვეყნა, რაც ჟურნალისტმა გლებ კანევსკიმ გუბერნატორის ადმინისტრაციაში განაცხადი და მოთხოვნა შეიტანა.
დოკუმენტის თანახმად დასტურდება, რომ უკრაინის მინისტრთა კაბინეტის 2015 წლის 14 თებერვლის დადგენილებით, ოდესის ოლქის ადმინისტრაციის უფროსის ხელფასი 5 644 უკრაინულ გრივნას შეადგენს.
ცოტა ხნით ადრე, თავად სააკაშვილმა უკრაინელ ჟურნალისტებთან საუბარში აღნიშნა, რომ მას მხოლოდ სახელი აქვს და ოდესაში არანაირი ბიზნესი ან პოლიტიკური ამბიციები არ გააჩნია.
