კომპანია „ჯორჯიან უოთერ ენდ ფაუერი“ საგანგებო განცხადებას ავრცელებს, რომელსაც უცვლელად გთავაზობთ.
„რამდენიმედღიანი კოკისპირული წვიმა და არაგვის ადიდებით გამოწვეული ღვარცოფები, რაც ამ დრომდე გრძელდება, კვლავაც პრობლემას უქმნის „ჯორჯიან უოთერ ენდ ფაუერის“ არაგვის ხეობაში მდებარე სათავე ნაგებობების ფუნქციონირებას.
არსებული მდგომარეობა წყალმომარაგების ჩვეული რეჟიმების დარღვევას იწვევს, რის გამოც, დედაქალაქის ზოგიერთ უბანს წყალი ამ დრომდე შეფერხებებით მიეწოდება.
„ჯორჯიან უოთერ ენდ ფაუერი“, მდგომარეობის სრულ სტაბილიზაციამდე, საგანგებო რეჟიმში მუშაობას განაგრძობს“, - აცხადებენ კომპანიაში. თუმცა, თბილისის წყალომომარაგების სრულად აღდგენის დროს კომპანიაში ვერ ასახელებენ.
