რეგიონული განვითარებისა და ინფრასტრუქტურის მინისტრის ნოდარ ჯავახიშვილი ვარაუდობს, რომ მთის კანონთან დაკავშირებით, პარლამენტში ცხარე დებატები იქნება. როგორც მან მთავრობის სხდომის დასრულების შემდეგ ჟურნალისტებთან განაცხადა, დეპუტატები იმაზე მეტს ითხოვენ, ვიდრე დღეს ბიუჯეტს აქვს საშუალება.
,,თუმცა, ტენდენცია ისეთი იქნება, რომ სამი წლის განმავლობაში შევა ეს კანონი მთლიანად ძალაში. თუ 2016 წელს იქნება 12 მილიონი დამატებით გამოყოფილი, შემდეგ ეს 30 მილიონი იქნება, შემდეგ კი 50 მილიონი. ეს შეღავათები, რაც კანონითაა გაწერილი, მცირე ნაწილია იმისა, რაც მოსახლეობას დღეს ისედაც უკეთდება და მომავალშიც გაუკეთდება. საპენსიო დანამატი იქნება მთაში 20%-ის ოდენობით. ექიმებს და ექთნებს ექნებათ დანამატი, ექიმებს ორი პენსიის ოდენობა, ექთნებს კი - ერთი პენსიის ოდენობა. 2016 წლის ზამთრიდან კი, ზამთრის სეზონისთვის დიდი თანხების გამოყოფა დაიწყება, რომ გათბობასთან დაკავშირებით პრობლემები არ შეექმნათ. ასევე, იქნება დანამატი სკოლის მასწავლებლებისთვის“, - განაცხადა მინისტრმა.
მთავრობის სხდომაზე დღეს ითქვა, რომ მთის კანონზე მუშაობა დასრულებულია და იგი საკანონმდებლო ორგანოს გადაეგზავნება.