საცხოვრებელი ფართი კიდევ 269 დევნილ ოჯახს დაუკანონდა. შესაბამისი გადაწყვეტილება მთავრობამ დღევანდელ სხდომაზე მიიღო. ოფიციალური ინფორმაციით, 269 ბინიდან 197 ბინა თბილისში მდებარეობს , 23 - ფოთში, 30 - ზუგდიდში, 14 - ბათუმში და 5 - გორში.
"დღეს უკვე 269 დევნილს დაუკანონდა ბინა. ჩვენ ბინების დიდი ნაწილი გავარემონტეთ და ისე გადავეცით მათ, ასე რომ პროგრამა, რომელიც გულისხმობს 1-ელ სექტემბრამდე დაახლოებით 10 000 დევნილისთვის ბინის დაკანონებას სრულდება და დევნილები ხდებიან ჩვეულებრივი მესაკუთრეები", -აღნიშნა ჟურნალისტებთან ოკუპირებული ტერიტორიებიდან იძულებით გადაადგილებულ პირთა და დევნილთა მინისტრმა სოზარ სუბარმა.