3 ივნისის 06:00 საათიდან სსსტც „დელტას“ სეტყვის საწინააღმდეგო სისტემის მართვის ცენტრმა კახეთის რეგიონში სამხრეთ-აღმოსავლეთ მიმართულებაზე დააფიქსირა ჩრდილო-დასავლეთ მიმართულებით მოძრავი ღრუბლის ფრონტი. 07:00 საათისთვის ახმეტისა და საგარეჯოს რაიონების თავზე ჩანდა ორი სეტყვასაშიში ღრუბლის მასა, რომელშიც შეინიშნებოდა ფორმირების პროცესში მყოფი 10 მმ რადიუსის მქონე სეტყვის მარცვლები.
08:40 საათისთვის სროლების ნებართვის მიღების შემდეგ „დელტას“ სეტყვის საწინააღმდეგო სისტემის მართვის ცენტრმა ღრუბლების მიმართულებით განახორციელა რაკეტების გასროლა. დამუშავება გაგრძელდა 09:05 საათამდე რის შემდეგაც ღრუბლების მასების ძირითადი ნაწილი ზემოთაღნიშნული რაიონების თავზე ჩამოიცალა წვიმის სახით.