ისნის რაიონის გამგეობამ სოციალურად დაუცველი 300 პატარა 1ივნისს, ბავშვთა საერთაშორისო დღესთან დაკავშირებით ნოდარ დუმბაძის სახელობის მოზარდმაყურებელთა თეატრში სპექტაკლებზე "წითელქუდა" და "ფიფქია და შვიდი ჯუჯა" დაპატიჟა.
ისნის რაიონის გამგებელმა ვახტანგ ქიზიყურაშვილმა, საქართველოს პარლამენტში ისნის რაიონის მაჟორიტარმა დეპუტატმა ალექსანდრე (ნუკრი) ქანთარიამ, საკრებულოს დეპუტატებმა ილია ჯიშკარიანმა, ირაკლი აბუსერიძემ და ზურაბ ნეფარიძემ ბავშვებს ბავშვთა საერთაშორისო დღე მიულოცეს და სპექტაკლის ბოლოს ორგანიზაცია "კეთილი სამარიელი საქართველოშის" მესვეურებთან და სომხური ეპარქიის წარმომადგენლებთან ერთად საჩუქრები გადასცეს.