ადამიანის უფლებათა დაცვისა და სამოქალაქო ინტეგრაციის კომიტეტის სხდომაზე დღეს ქალთა მიმართ ძალადობის აღკვეთისა და პრევენციის მიზნით შექმნილი სამუშაო ჯგუფის შემაჯამებელი შეხვედრა გაიმართება. დეპუტატები რამდენიმე სამინისტროს წარმომადგენელს მოუსმენენ. საკომიტეტო მოსმენის მონაწილეები კომიტეტის ფარგლებში შექმნილი სამუშაო ჯგუფის მიერ 5 თვის მანძილზე გაწეული საქმიანობის შედეგებს განიხილავენ, რის შემდეგაც ქალთა მიმართ ძალადობის აღმოფხვრის მიზნით დამატებითი პრევენციული ღონისძიებების თაობაზე საბოლოო რეკომენდაციები შემუშავდება. ისინი შესაბამის უწყებებს გადაეგზავნება. სხდომას ის არასამთვარობო ორგანიზაციებიც დაესწრებიან, რომელთა მოთხოვნითაც აღნიშნულ საკითხზე სამუშაო ჯგუფი შეიქმნა.
