თბილისის მუნიციპალიტეტის საკრებულოს ვარკეთილის მაჟორიტარი დეპუტატის - ია მაკასარაშვილის ინიციტივით, ვარკეთილში მცხოვრები ბავშვებისთვის კულტურულ-გასართობი ღონისძიება გაიმართა.
ღონისძიების ორგანიზება, ბავშვთა დაცვის საერთაშორისო დღესთან დაკავშირებით, დეპუტატის სამაჟორიტარო ბიურომ უზრუნველყო. სპეციალურად ამ დღისთვის მათ, ბავშვთა გასართობი ცენტრიდან წამყვანები და ზღაპრის გმირები მოიწვიეს.
ზეიმი, ვარკეთილის რაიონის ერთ-ერთ სკვერში, დილიდან დაიწყო და მასში მონაწილეობა რაიონში არსებული საბავშვო ბაღების აღსაზრდელებმა და სკოლების უმცროსკლასელებმა მიიღეს.
ღონისძიებაზე მაჟორიტარი დეპუტატი ია მაკასარაშვილი სიტყვით გამოვიდა და ბავშვებს ბავშვთა დაცვის საერთაშორისო დღე მიულოცა.
„ბავშვთა დაცვის საერთაშორისო დღესთან დაკავშირებით გადავწყვიტეთ კიდევ ერთი ლამაზი დღე გვეჩუქებინა პატარებისთვის. ხოლო იმისათვის, რომ ზეიმი ბავშვებისთვის კიდევ უფრო საინტერესო და ვიზუალურად მიმზიდველი ყოფილიყო, ბავშვთა გასართობი ცენტრიდან წამყვანები და ზღაპრის გმირები მოვიწვიეთ. ვულოცავ ყველა პატარას ბავშვთა დაცვის საერთაშორისო დღეს“, - განაცხადა ვარკეთილის მაჟორიტარმა დეპუტატმა ია მაკასარაშვილმა.
