თბილისის მუნიციპალიტეტის საკრებულოს სპორტისა და ახალგაზრდულ საქმეთა კომისიის თავმჯდომარე საარჩევნო პროექტების იურისტს ირმა პავლიაშვილს შეხვდა.
შეხვედრის მიზანი პროექტში -,,ინფორმირებული მოქალაქეების საჯარი სამსახურში’’ მოქალაქეთა და თვითმმართველობის ორგანოთა ჩართულობის უზრუნველყოფაა.
პროექტს საქართველოს ახალგაზრდა იურისტთა ასოციაცია საერთაშორისო საქმეთა ეროვნულ-დემოკრატიული ინსტიტუტის (NDI) მხარდაჭერით ახორციელებს და მოქალაქეთა და ადგილობრივი თვითმმართველობის მიერ გადაწყვეტილების მიღებისას მათ ურთიერთთანამშრომლობას და გადაწყვეტილების მიღების პროცესში მოქალაქეთა მონაწილეობის საუკეთესო მოდელის იდენტიფიცირებას გულისხმობს.
ირმა პავლიაშვილის ინფორმაციით, პროექტის მიმდინარეობისას საჯარო შეხვედრები ორ ეტაპადაა დაგეგმილი.
პირველ ეტაპზე აქტიურ მოქალაქეებს და ადგილობრივ არასამთავრობო ორგანიზაციების წარმომადგენლებს მიეწოდებათ ინფორმაცია ადგილობრივი თვითმმართველობის არსისა და კომპეტენციის თაობაზე, ხოლო შემდგომ ეტაპზე დაგეგმილ საჯარო შეხვედრებზე მოქალაქეები მათთვის პრობლემურ საკითხებს თვითმმართველობის წარმომადგენლებთან ერთად განიხილავენ.
ქეთევან ჯოხაძემ აღნიშნული წამოწყება მოიწონა და პროექტში -,,ინფორმირებული მოქალაქეების საჯარი სამსახურში’’ მონაწილეობისთვის მზადყოფნა გამოხატა.
დღესვე მხარეებმა სამომავლო თანამშრომლობის გეგმები დასახეს.
პროექტის ხანგრძლივობა ერთი წლით -2015 წლის თებერვლიდან 2016 წლის იანვრის პერიოდით გაისაზღვრა და ის 8 თვითმმართველ ქალაქს მოიცავს.