თბილისის მუნიციპალიტეტის საკრებულოს თემქის რაიონის მაჟორიტარმა დეპუტატმა ჯაბა სამუშიამ შშმ ბავშვთა ცენტრის ,,ანიტა“ აღსაზრდელებს ბავშვთა დაცვის დღე მიულოცა და საჩუქრად სახატავი და საძერწი მასალები, ასევე ცენტრის ლოგითი გაფორმებული ტორტი გადასცა.
დღესვე დეპუტატი ცენტრში არსებულ პრობლემებს გაეცნო და თანამშრომლებს თანადგომასა და დახმარებას დაჰპირდა.
,,მე ყოველთვის დაგეხმარებით ყველა იმ პრობლემის მოგვარებაში, რომლის გადაჭრა თვითმმართველობის კომპეტენციაში შედის’’,-განაცხადა ჯაბა სამუშიამ.
მისივე ინიციატივით, ბავშვთა ცენტრში ზეიმი მოეწყო, რომლეშიც ილუზიონისტ ზურაბ ვადაჭკორიასთან და მსახიობ ბესო ბერულაშვილთან ერთად ბავშვებიც ჩაერთნენ.
დასასრულს, ცენტრის დირექტორმა და პედაგოგებმა სტუმრებს ბავშვებისადმი გამოჩენილი სითბოსა და ყურადღებისთვის მადლობა გადაუხადეს.
