თბილისის მუნიციპალიტეტის საკრებულოს ავჭალის მაჟორიტარი დეპუტატის კობა კობალაძის ინიციატივით, ავჭალის საჯარო სკოლების მოსწავლეები მცხეთაში ექსკურსიაზე გაემგზავრნენ.
8 სკოლის რამდენიმე პედაგოგი და 90-მდე წარჩინებული მოსწავლე დღეს მცხეთის რაიონს მოივლის და ღირშესანიშნავ ადგილებს დაათვალიერებს.
კობა კობალაძე გამგზავრებამდე მოსწავლეებს პირადად შეხვდა, მათ ბავშთა დაცვის საერთაშორისო დღე მიულოცა და კეთილი მგზავრობა უსურვა.
"ამ ბავშვებმა სასწავლო წელი წარჩინებით დაამთავრეს, ამიტომ ჩვენმა სამაჟორიტარო ბიურომ გადაწყვიტა მათთვის წამახალისებელი აქცია მოეწყო და ერთი ლამაზი დღე ეჩუქებინა. ბავშვები მოილოცავენ წმინდა ადგილებს და სხვადასხვა კულტურულ ძეგლებს დაათვალიერებენ“, - აღნიშნა კობა კობალაძემ.
დეპუტატის განცხადებით, ანალოგიური აქციები მომავალშიც გაგრძელდება.