საქართველოს სტუდენტთა უფლებების ლიგის წარმომადგენლები ერთიანი ეროვნული გამოცდების მიმდინარეობას დააკვირდებიან. როგორც ლიგის პრეზიდენტი ნოდარ თათვიძე აცხადებს არასამთავრობო ორგანიზაცია 24 საათიან სამუშაო პროცესზე გადადის.
"ჩვენ მზად ვართ დავაკვირდეთ გამოცდების მიმდინარეობას და რაიმე პრობლემის შემთხვევაში, აუცილებლად მივმართავთ შესაბამის ინსტანციებს, მათი მოგვარების პერსპექტივით. ასევე აბიტურიენტებსა და მაგისტრანტობის მსურველ სტუდენტებს ვთავაზობთ 24 საათიან ცხელ ხაზს 558 911 151 სადაც მათ საშუალება ექნებათ გვაცნობონ გამოცდებთან დაკავშირებული პრობლემები, ასე რომ აბიტურიენტებსა თუ მაგისტრანტობის მსურველ სტუდენტებს ვუსურვებთ წარმატებებს, საქართველოს სტუდენტთა უფლებების ლიგა მათ გვერდითაა"- განაცხადა, საქართველოს სტუდენტთა უფლებების ლიგის პრეზიდენტმა ნოდარ თათვიძემ.
