საქართველოს თავდაცვის მინისტრი თინათინ ხიდაშელი აშშ-ის ვიცე-პრეზიდენტის ჯოზეფ ბაიდენის უფროსი შვილის ბო ბაიდენის გარდაცვალების გამო მწუხარებას გამოთქვამს.
„ღრმა მწუხარებას გამოვთქვამ ამერიკის შეერთებული შტატების ვიცე-პრეზიდენტის ჯოზეფ ბაიდენის ვაჟის ბოს გარდაცვალების გამო. გულწრფელად ვუსამძიმრებ შვილის დაკარგვას საქართველოს დიდ გულშემატკივარს და მეგობარს ჯოზეფ ბაიდენს. ამ მძიმე წუთებში, მინდა მხარდაჭერა გამოვუცხადო მის ოჯახს. ბო ბაიდენი გუშინ, 46 წლის ასაკში ტვინის სიმსივნის მძიმე დაავადებით გარდაიცვალა“, - აცხადებს საქართველოს თავდაცვის მინისტრი თინათინ ხიდაშელი.

აშშ-ის ვიცე-პრეზიდენტის ვაჟი ბო ბაიდენი გარდაიცვალა. ამის შესახებ Reuters იტყობინება. 
46 წლის ბო ბაიდენის გარდაცვალების მიზეზად თავის ტვინის სიმსივნე იქცა.  NBC News-ის ცნობით, სიმსივნის დიაგნოზი ბო ბაიდენს 2013 წლის აგვისტოში დაუსვეს.  გარდაცვლილის ოჯახს უკვე მიუსამძიმრა ამერიკის პრეზიდენტმა ბარაკ ობამამ. 
ბო ბაიდენს მეუღლე ჰელი და ორი შვილი - ნატალი და ჰანტერი დარჩა.