იუსტიციის მინისტრის მოადგილის ალექსანდრე ბარამიძის თქმით, ახალი კანონის მიღების შემთხვევაში ნარკომომხმარებლებს სასჯელი შეუმსუბუქდება. ამის შესახემ სახელმწიფო მოხელემ გადაცემა „2030“-ში განაცხადა.
„ერთის მხვრივ გვაქვს ნარკოტიკების შენახვა, შეძენა, გადატანა: და მეორეს მხვრივ - გასაღება. გასაღება საზოგადოებისთვის ბევრად უფრო საშიში ქმდებაა, ვიდრე ნარკოტიკების შენახვა და ა.შ. 260 მუხლის თანახმად ყველა ეს ქმედება ერთ შემადგენლობაში იყო გაერთიანებული და თანაბრად ისჯებოდა თავისუფლების აღვეთით ვადით 11 წლამდე. ახლა ქმედებები, რომლებიც საზოგადოებისთვის საშიშროების თვალსაზრისით ნაკლებად სახიფათოა, მათთვის სანქცია იქნება 6 წლამდე თავისუფლების აღვეთა, ხოლო გასაღებისთვის - 6-დან 11 წლამდე“ - განაცხადა ალექსანდრე ბარამიძემ.
ალექსანდრე ბარამიძემ აღნიშნა, რომ საკანონმდებლო ცვლილებებს, რომლებიც უკანონო ქმედების პასუხისმგებლობას ამსუბუქებს, უკუძალა აქვს და ვრცელდება იმ პირებზე, ვინც უკვე იხდის სასჯელს 260 მუხლით.
