საქართველოს რეგიონული განვითარებისა და ინფრასტრუქტურის სამინისტროს აშშ-ს ელჩი საქართველოში რიჩარდ ნორლანდი ამერიკის საერთაშორისო განვითარების სააგენტოს (USAID) ხელმძღვანელ სტივ ჰეიკინთან ერთად ესტუმრა. რიჩარდ ნორლანდი და სტივ ჰეიკინი რეგიონული განვითარებისა და ინფრასტრუქტურის მინისტრს ნოდარ ჯავახიშვილს შეხვდნენ. მხარეებმა ქვეყანაში აშშ-ის ფინანსური მხარდაჭერით მიმდინარე ინფრასტრუქტურულ პროექტებზე ისაუბრეს. ელჩი მინისტრის ხედვითა და სამინისტროს პრიორიტეტებით დაინტერესდა. ნოდარ ჯავახიშვილის განცხადებით, საქართველოს რეგიონული განვითარებისა და ინფრასტრუქტურის სამინისტროს ძირითადი მიმართულებები არ შეცვლილა და უწყება ძალისხმევას არ იშურებს პროექტების წარმატებით განხორციელებისათვის. გარდა ამისა, საუბარი შეეხო ქვეყანაში მიმდინარე ინფრასტრუქტურულ სამუშაოებს, მათ შორის აღმოსავლეთ-დასავლეთ ჩქაროსნული ავტომაგისტრალის მშენებლობის საკითხს, ასევე თვითმმართველობის რეფორმასა და დაგეგმილ პროექტებში ინვესტორების ჩართულობას.