საქართველოს ტექნიკურ უნივერსიტეტში სტუ-ის სტუდენტთა 83-ე ღია საერთაშორისო სამეცნიერო კონფერენცია გაიხსნა.
კონფერენცია გახსნა ტექნიკური უნივერსიტეტის ადმინისტრაციის ხელმძღვანელმა, პროფესორმა ქეთევან ქოქრაშვილმა. კონფერენციის მონაწილეებს მიესალმნენ სტუ-ის ადმინისტრაციის წარმომადგენლები და პროფესორ-მასწავლებლები.
სტუ-ის სტუდენტთა 83-ე ღია საერთაშორისო სამეცნიერო კონფერენციის ფარგლებში იმუშავებს 57 დარგობრივი სექცია. კონფერენციაში მონაწილეობს სტუ-ისა და საქართველოს სხვა უმაღლესი საგანმანათლებლო დაწესებულებების ბაკალავრიატის, მაგისტრატურისა და დოქტორანტურის სწავლების საფეხურის 500-მდე სტუდენტი.
კონფერენციას ორგანიზებას უწევს სტუ-ის სპორტის, კულტურის, სტუდენტებთან და კურსდამთავრებულებთან ურთიერთობის დეპარტამენტი. კონფერენცია 25 მაისს გაიხსნა და 25 ივნისამდე გაგრძელდება.
