შენობა, რომელშიც საქართველოს დამოუკიდებლობა გამოცხადდა დღეს დაკეტილი იყო.
1918 წლის 26 მაისს, მოსწავლე-ახალგაზრდობის სასახლეში საქართველოს დამოუკიდებლობა გამოცხადდა, დღეს კი ეს შენობა დახურული იყო, რაც ნაციონალური მოძრაობის წევრებმა და პირველი რესპუბლიკის ყოფილი თანანმდებობის პირების შთამომავლებმა გააპროტესტეს.
,,ეს ადგილი არის დიდი სიმბოლიზმის მატარებელი, აქ გამოცხადდა საქართველოს და ასევე, აზერბაიჯანისა და სომხეთის დამოუკიდებლობაც, აქ იყო საქართველოს პარლამენტი და აქ მიმდინარეობდა სხდომები. ძალიან ცუდია, რომ დღეს ეს შენობა და ეს ბაღი დაკეტილია’’,- განაცხადა გიგა ბოკერიამ.
საქართველოს ეროვნული დღესასწაული დღეს თბილისის ცენტრში სხვადასხვა ღონისძიებებით აღინიშნა. ამ წუთებში თავისუფლების მოედანზე კონცერტი მიმდინარეობს.
