საქართველოს დამოუკიდებლობის დღისადმი მიძღვნილი საზეიმო ღონისძიებისთვის მზადება გრძელდება. 26 მაისს თბილისში გალა კონცერტი გაიმართება. ღონისძიებები დაგეგმილია თავისუფლებისა და ვარდების მოედნებზე. 26 მაისს ქვეყნის თითქმის ყველა რეგიონში აღნიშნავენ. დამოუკიდებლობის დღე სამხედრო აღლუმის გარეშე ჩაივლის. მოსამზადებელი სამუშაოს ფარგლებში დედაქალაქში ავტომანქანების მოძრაობა შეიზღუდება. შს სამინისტროს ინფორმაციით, დღეს დილის 05:00 საათიდან თავისუფლების მოედანზე მოძრაობა აიკრძალება. გადაადგილება ძეიზღუდება ალ. ჭავჭავაძის, მიტროფანე ლაღიძის, ბესიკის, ლესია უკრაინკას, ჭიჭინაძის, 9 აპრილის, ფურცელაძის, უსახელოს, ჯორჯაძის, ჭანტურიას, ლაღიძის და მესხიას ქუჩებზეც.