თბილისში სარაჯიშვილის ქუჩის მესამე ჩიხში, იტალიურ ეზოში, მცხოვრები 25-მდე ადამიანი ორი წელია საცხოვრებელ სახლამდე მისასვლელი გზის შეკეთებას ითხოვს.
ადგილობრივები თბილისის მთავრობას მოუწოდებენ, განაახლონ, დაახლოებით, ორი წლის წინ დაწყებული გზის აღდგენითი სამუშაოები. მათივე განმარტებით, გზის საფარის შეკეთებასთან ერთად მოსაწსრიგებელია სანიაღვრე სისტემაც. ადგილობრივი მოსახლეობის წარმომადგენლები ამბობენ, რომ ქუჩაზე არსებული მდგომარეობის გამო რამდენიმე კვირის წინ ბავშვიც დაშავდა.
შემთხვევის ადგილზე იმყოფებოდნენ ,,ნაცმოძრაობის” წევრები. ისინი მოსახლეობის პრობლემებს გაეცნენ და თბილისის მთავრობას დროული ქმედებისკენ მოუწოდეს.
