უკვე მეოთხე დღეა ხელნაწერთა ეროვნული ცენტრის თანამშრომლები გაფიცულები არიან. ისინი განათლების და მეცნიერების კომისიას უნდობლობას უცხადებენ. და მოითხოვენ, დირექტორობის კანდიდატურებთან გასაუბრების ვიდეო კადრების გასაჯაროვებას. ხელნაწერთა ეროვნული ცენტრის თანამშრომლები ახალი დირექტორის დანიშვნის შესახებ კომისიის მიერ მიღებული გადაწყვეტების ბათილად ცნობას და ზოგადად, დირექტორის არჩევის წესის შეცვლას ითხოვენ.
