კულტურის მოღვაწეები ბიზნესსექტორს მიმართავენ და ნიკო ფოროსმანის ნამუშევრის საქართველოსთვის შეძენას სთხოვენ. როგორც ცნობილია, ”არსენალის მთა" 1 ივნისთვის ჩანიშნულ Christie's აუქციონზე იქნება გამოტანილი.
”მივმართოთ თხოვნით ქართულ ბიზნესსექტორს, რომ უნიკალური ნამუშევარი საქართველოსთვის შეისყიდონ და ქველმოქმედების სახით ქართულ სამუზეუმო ფონდს გადასცენ”, აცხადებენ საქართველოს კულტურის მოღვაწეები და იმედი აქვთ, რომ ქართული ბიზნესი ფიროსმანის ტილოს სამშობლოში დააბრუნებს.
ფიროსმანის ტილო 800 000 – 1 200 000 ფუნტ სტერლინგად არის შეფასებული. ის 1 ივნისს, ლონდონში, რუსული ხელოვნების ნიმუშების ვაჭრობაზე იქნება წარმოდგენილი.
ტოლო ფიროსმანმა 1907–1908 წლებში, სავარაუდოდ, თბილისში, ტავერნის მფლობელ ნიკო ბაიძისთვის დახატა.
აღსანიშნავია, რომ ეს ტილო მაკდუგალის აუქციონზე 2010 წელს 1,1 მლნ ფუნტად გაიყიდა. ნამუშევარი კერძო კოლექციაში ინახებოდა
