კინოს სახლთან შეკრებილი აქციის მონაწილეები ოჯახის სიწმინდის დღეს აღნიშნავენ.
აქციის ერთ-ერთი ორგანიზატორი, ქართული დასის ლიდერი, ჯონდი ბაღათურია აცხადებს, რომ 17 მაისი არის ქართული, ტრადიციული ოჯახის დღე და ამიტომ, ყველა ქართული, ტრადიციული ოჯახი ერთად უნდა გამოვიდეს გარეთ.
,,ყველა ქართული ტრადიციული ოჯახი ერთად უნდა გამოვიდეს რუსთაველზე და ერთად უნდა აღვნიშნოთ ეს დღე", - განაცხადა ბაღათურიამ. მისივე თქმით, მსვლელობის დასრულების შემდეგ, მრევლი სამებაში ილოცებს.
პატრიარქი ილია მეორე კი, დღეს სამებაში ოჯახის სიმტკიცის დღესთან დაკავშირებით პარაკლისს გადაიხდის და ოჯახების კურთხევის ლოცვას წაიკითხავს. მართლმადიდებელი ეკლესიის წევრ მრავალშვილიან ოჯახებს კათოლიკოს-პატრიარქის სიგელი გადაეცემათ. ამის შემდეგ, ტაძარში მყოფებს დღესასწაულთან დაკავშირებით ბროშურებს დაურიგებენ.
მიმდინარეობსშეიკრიბნენ და აცხადებენ, რომ პატრიარქის მიერ დაწესებულ ოჯახის სიმტკიცის დღეს აღნიშნავენ. მსვლელობა სამებაში დასრულდება.
შეგახსენებთ, 17 მაისი პატრიარქის მიერ, ოჯახის სიმტკიცის დღედ, გასულ წელს გამოცხადდა.
