რა უნდა ვიცოდეთ ვალის, ფინანსური ვალდებულებებისა და ადმინისტრაციული სახდელის შესახებ? სკოლის მოსწავლეებს პრევენციული კომუნიკაციის პროექტი აღსრულების ეროვნული ბიუროს თანამშრომლებმა გააცნეს. დამამთავრებელი კლასის მოსწავლეებს განემარტათ, თუ რისი უფლება აქვს პირს თავდებობის შემთხვევაში, როგორ უნდა დაიცვას თავი არასასურველი ვალისგან, რა უნდა გაითვალისწინოს იპოთეკის ხელშეკრულების დადებისას და რა ვადებში უნდა გადაიხადოს ადმინისტრაციული ჯარიმა. პრეზენტაციის შემდეგ მოსწავლეებსა და აღსრულების ეროვნული ბიუროს თანამშრომლებს შორის ფინანსურ ვალდებულებებთან დაკავშირებით დისკუსია გაიმართა. შეხვედრა თბილისის 207-ე საჯარო სკოლაში ჩატარდა.
