პარლამენტარები დღეს ზაქარია ქუცნაშვილის ინიციატივაზე იმსჯელებენ, რომელიც არასწორად პარკირებული ავტომობილების სპეციალურ სადგომზე გადაყვანისას "112"-სთვის შეტყობინების ვალდებლებას ითვალისწინებს. გარდა ამისა, პროექტით წესდება შეზღუდვა მანქანის გადაყვანის წესშიც. პროექტის ავტორს მიაჩნია, რომ თუ ავტომანქანა, რომლის მფლობელიც მასში არ იმყოფება, არ აფერხებს მოძრაობას, არ ქმნის საცობსა და საავარიო სიტუაციას, სპეციალურ ავტოსადგომზე არ უნდა იქნას გადაყვანილი, რადგანაც ამით საკუთრების უფლების გაუმართლებელი შეზღუდვა ხდება.