თამარ მეფის ხსენების დღესთან დაკავშირებით, წარმომადგენლობითი ორგანოს დიმიტრი ყიფიანის სახელობის ისტორიულ დარბაზში, საკრებულოს თავმჯდომარემ, ფილოლოგიის მეცნიერებათა დოქტორმა, პროფესორმა გიორგი ალიბეგაშვილმა სხვადასხვა სკოლის უფროსკლასელთათვის გამართა ლექცია თემაზე: - „თამარ მეფის ეპოქა“.
ლექციის დასაწყისში, გიორგი ალიბეგაშვილმა მოსწავლეებს თამარ მეფის ხსენების დღე - თამარობა - მიულოცა და ღვაწლმოსილი მეფის ისტორიაზე განსხვავებული და საინტერესო ინტერპრეტაციით ისაუბრა. თავმჯდომარემ მიმოიხილა თამარ მეფის სახე ისტორიოგრაფიაში, ქართულ ფოლკლორსა და ლიტერატურაში, რის საილუსტრაციოდ სასწავლო-შემეცნებითი ფილმის ჩვენებაც გაიმართა.
გიორგი ალიბეგაშვილმა, ბაგრატიონთა სამეფო დინასტიის წარმომადგენლის განსაკუთრებული მნიშვნელობის აღსანიშნავად, ისტორიული წყაროები მოიშველია, საქართველოს ოქროს ხანა - როგორც ქვეყნისთვის უაღრესად წარმატებული მმართველობის პერიოდი - პოემა „ვეფხისტყაოსანთან“ შედარების მაგალითებზე განიხილა.
ლექციას, მოსწავლეების გარდა, საკრებულოს დეპუტატები ესწრებოდნენ