პრეზიდენტი გიორგი მარგველაშვილი რუსთავში, ვახტანგ გორგასლის სახელობის ტაძარში იმყოფებოდა და ქობულეთში დაღუპული ბავშვების ოჯახის წევრებსა და ახლობლებს მიუსამძიმრა.
,,მთელი ქართველი საზოგადოების სახელით მივუსამძიმრე. დიდი დანაკლისია, რომელსაც ვერაფერი ვერ გადაფარავს. ჩვენ ყველა თანამოზიარე ვართ ამ დიდი ტრაგედიის", - განაცხადა ჟურნალისტებთან გიორგი მარგველაშვილმა.
პრეზიდენტთან ერთად სამძიმარზე უშიშროების საბჭოს მდივანი ირინა იმერლიშვილი იმყოფებოდა.
ქობულეთში,აღმაშენებლის ქუჩაზე სასტუმრო არმაზში ხანძარი 10 მაისს გამთენიისას გაჩნდა. სასტუმროში რუსთავის ქორეოგრაფიული ანსამბლ "სიხარული 2"-ის წევრები იმყოფებოდნენ. ხანძრის დროს სასტუმროს ნომერში მყოფი სამი მოზარდი დაიღუპა. მომხდართან დაკავშირებით მიმდინარეობს გამოძიება.