საქართველოს კათოლიკოს-პატრიარქი უწმინდესი და უნეტარესი ილია მეორე მიიჩნევს, რომ ხალხი შრომას გადაეჩვია, ხოლო, ვისაც უნდა შრომა, ის აუცილებლად იშოვის. ამის შესახებ უწმინდესმა გადაცემა "ეკა ხოფერიას თოქ-შოუში" განაცხადა.
წამყვანის კითხვაზე, რომელიც სოციალურ პრობლემებს უკავშირდებოდა პატრიარქმა განაცხადა, რომ უპირველეს ყოვლისა მთავრობამ, ეკლესიამ და ყველამ უნდა იზრუნოს პრობლემების შესამცირებლად.
"მაგრამ მინდა ვთქვა, რომ ხალხიც გადაეჩვია შრომას. დედაჩემმა იცოდა თქმა, გვარიგებდა შვილებს, რომ სიღარიბეს ნუ შეეჩვევითო. ამიტომ ადამიანი უნდა ეძებდეს სამსახურს, სამუშაოს, მიწასთან სიახლოვეს და ვისაც უნდა შრომა, ის აუცილებლად ნახავს", - ბრძანა უწმინდესმა.