სტიქიამ პანკისის ხეობის 5 სოფელი დააზარალა. ძლიერი წვიმის გამო, მდინარე ალაზანი ადიდდა და კალაპოტიდან გადმოვიდა. შედეგად სოფლებში ჯოყოლო, ომალო, დუისი, კუწახტა და ბირკიანი სასოფლო-სამეურნეო სავარგულებია დატბორილი.
სტიქიის შედეგად მოიშალა ნაპირსამაგრი გაბიონები და დანგრეულია ხიდი.
გამგეობაში აცხადებენ, რომ სამაშველო სამუშაოები უწყვეტ რეჟიმში განხორციელდება, რათა მდინარე თავის კალაპოტს დაუბრუნდეს.