,,ეროვნულ-დემოკრატიული ინსტიტუტის” (NDI) მიერ ჩატარებული კვლევის თანახმად, გამოკითხულთა 32% პოლიციის საქმიანობას კარგად, ხოლო 4% ძალიან კარგად აფასებს, ხოლო რესპოდენტების 10% პოლიციის საქმიანობას ცუდად აფასებს.
რაც შეეხება სასამართლოს საქმიანობას გამოკითხულთა 13% კარგად აფასებს, 1% ძალიან კარგად, 44% საშუალოდ, ხოლო გამოკითხულთა 11% სასამართლოს საქმიანობას ცუდად აფასებს.
გამოკითხვა 2015 წლის 27 მარტიდან–19 აპრილამდე პერიოდში, საქართველოს მასშტაბით 4,360 პირისპირ ინტერვიუს წარმომადგენლობითი შერჩევის საფუძველზე, ქვეყნის მოსახლეობას შორის ჩატარდა.
კვლევაში საშუალო ცდომილების ზღვარი არის +/- 2,3%.
NDI-ის კვლევებს აფინანსებს შვედეთის საერთაშორისო თანამშრომლობის განვითარების სააგენტო (Sida) და ატარებს კავკასიის კვლევითი რესურსების ცენტრი (CRRC).
