დღეიდან თბილისის მერია С ჰეპატიტის ელიმინაციის პროგრამაში ერთვება. დაფინანსდება როგორც С ჰეპატიტის სკრინინგული დიაგნოსტიკა, ისე მის მკურნალობაში ჩართვამდე აუცილებელი კვლევები. სკრინინგული დიაგნოსტიკა სწრაფი, მარტივი მეთოდით უფასო იქნება თბილისში რეგისტრირებული საქართველოს მოქალაქეებისთვის, ასევე, იძულებით გადაადგილებული პირებისა და სოციალურად დაუცველი ოჯახების მონაცემთა ერთიან ბაზაში რეგისტრირებული პირებისთვის, რომლებსაც თბილისში ფაქტობრივი საცხოვრებელი ადგილი აქვთ. აღნიშნული მომსახურების მისაღებად მოქალაქეებმა თბილისის მერიის ,,ეროვნულ სკრინინგ-ცენტრს“ უნდა მიმართონ. რაც შეეხება მკურნალობაში ჩართვამდე აუცილებელ კვლევებს, ის უფასოა სოცალურად დაუცველი პირებისთვის, დანარჩენ მოქალაქეებს კი თანხის მხოლოდ 10 პროცენტის გადახდა მოუწევთ.
