ქობულეთში მომხდარმა უბედურმა შემთხვევამ დღის წესრიგში დააყენა შენობების უსაფრთხოების რეგულაციების გამკაცრება. საკითხზე მთავრობა უკვე მუშაობს. ეკონომიკისა და მდგრადი განვითარების მინისტრის განცხადებით, ამ სფეროში რეგულაციები 2009 წლის დადგენილებით ფაქტობრივად გაუქმებულია. მისივე განცხადებით, მუშაობა ორ ვარიანტზე მიმდინარეობს – გაფართოვდეს ეკონომიკის სამინისტროს კონტროლის ზონა ან გამკაცრდეს იმ ექსპერტების სერტიფიცირება, რომლებიც მშენებლობის მდგრადობასა და უსაფრთხოებაზე პასუხს აგებენ.
