პრემიერ-მინისტრი ირაკლი ღარიბაშვილი ქობულეთში ხანძრის დროს დაღუპული ბავშვების სამოქალაქო პანაშვიდს მინისტრთა კაბინეტის წევრებთან ერთად რუსთავში, ვახტანგ გორგასლის სახელობის საკათედრო ტაძარში დაესწრო.
პრემიერმა ჟურნალისტებთან საუბრისას ყველას მოუწოდება მომხდარ ტრაგედიასთან დაკავშირებით ზედმეტი სპეკულაციისგან თავი შეიკავონ.
ღარიბაშვილმა ასევე პირობა დადო, რომ საქმის გამოძიება ოპერატიულად და ობიექტურად მოხდება.
,,მინდა, მშობლებს პირობა მივცე, რომ აუცილებლად ჩატარდება ობიექტური გამოძიება, რომ დადგინდეს სიმართლე. მე მქონდა საუბარი შესაბამის უწყებებთან, რომლებიც გამოძიებას აწარმოებენ. კიდევ ერთხელ საჯაროდ მოვუწოდებ მათ, რომ დაუყოვნებლივ, მოკლე დროში დაადგინონ ობიექტური სიმართლე. ამის გარდა, მე მინდა გითხრათ, აქ პოლიტიკური სპეკულაციები დაიწყეს გარკვეულმა ჯგუფებმა. მინდა, ყველას მოვუწოდო, მათ შორის ამ სასტუმროს მეპატრონეს და სხვებსაც, რომ თავი დაანებონ გარკვეული განცხადებების გაკეთებას, ვიდრე არ დასრულდება გამოძიება, ისინი საკუთარ ქონებაზე ზრუნავენ და მისტირიან საკუთარ ქონებას, ჩვენ უნდა დავასაფლავოთ ეს ანგელოზი ბავშვები. ასე რომ, ყველას მოვუწოდებ, თავი შეიკავონ ზედმეტი სპეკულაციებისგან, ეს არის უმძიმესი საკითხი და ეს არის ტრაგედია ჩვენი ყველასი", - განაცხადა ირაკლი ღარიბაშვილმა.
შეგახსენებთ, რომ ქობულეთში, სასტუმრო "არმაზში" გაჩენილი ხანძრის დროს სამი არასრულწლოვანიდაიღუპა.