თბილისში, ე.წ. მოდულის შენობასთან აქცია მიმდინარეობს, რომელსაც რამდენიმე თვის წინ ვაკის საცურაო აუზთან დაჭრილი გიორგი გუდაძის ოჯახის წევრები და ახლობლები მართავენ.
ისინი დაზარალებულის დაკავებას აპროტესტებენ. აქციის მონაწილეების განმარტებით, გიორგი გუდაძე სამართალდამცველებმა ნარკოტიკების შეძენა-შენახვის ბრალდებით გუშინ აიყვანეს.
დაკავებულის ოჯახის წევრები აცხადებენ, რომ გიორგი გუდაძეს ნარკოტიკი სამართალდამცველებმა ჩაუდეს.
„დღეს საღამოს გადის პირობითი სასჯელის ვადა და აუცილებელი იყო ამ ვადის გაცოცხლება, ამის გამო გუშინ დაიდგა სპექტაკლი და გიორგის ჩაუდეს ნარკოტიკი,“ - განაცხადა გიორგი გუდაძის დედამ.
ვაკის საცურაო აუზთან გიორგი გუდაძეს რამდენიმე თვის წინ ესროლეს. მოდუის შენობაში ამ დროისთვის მისი ადვოკატები იმყოფებიან.