მართლმადიდებლური ეკლესია დღეს ანდრია პირველწოდებულის საქართველოში შემოსვლის დღეს აღნიშნავს. დღესასწაულთან დაკავშირებით ტაძრებში საზეიმო წირვა აღევლინება. წმინდა მოციქული ანდრია პირველწოდებული პეტრე მოციქულის ძმა იყო. ის პირველ საუკუნეში საქართველოში აჭარაში შემოვიდა და თან ღვთისმშობლის ხელთუქმნელი ხატი შემოიტანა. ანდრია პირველწოდებული, რომელიც საქართველოში ქრისტიანობის პირველ მქადაგებლად მოიხსენიება, თავისი მისიონერული მოგზაურობებისას საქართველოში სამჯერ იმყოფებოდა. მართლმადიდებელი ეკლესია დღეს წმინდა ქართველი მეფის ვახტანგ გორგასლის ხსენების დღესაც აღნიშნავს.