ქობულეთის სასტუმროში დაღუპული ბავშვების დნმ-ის ანალიზის პასუხები კვირის ბოლოს, სავარაუდოდ პარასკევისთვის გახდება ცნობილი. მანამდე ცხედრები რუსთავში ვახტანგ გორგასლის სახელობის ტაძარში იქნება დასვენებული. ქობულეთში სასტუმრო "არმაზში" გაჩენილი ხანძრის შედეგად 3 მოზარდი დაიღუპა. ბათუმის ექსპერტიზის ბიუროში მათი იდენტიფიცირება ვერ მოხერხდა. გამოძიება სისხლის სამართლის კოდექსის 187–ე მუხლით მიმდინარეობს, რაც გაუფრთხილებლობით 2 ან მეტი ადამიანის სიცოცხლის მოსპობას გულისხმობს.