დღეს, 11 მაისს, 15:30 საათზე, თიბისი გალერეაში ლიტერატურული პრემია „საბა“ და ქართული წიგნის ეროვნული ცენტრი დისკუსიას - „ქართული ლიტერატურა და ევროპა“- გამართავს.
ეს იქნება ევროპელი და ქართველი ლიტერატურული მიმომხილველების შეხვედრა-დისკუსია. კერძოდ, უმსხვილესი ევროპული გამოცემების The Independent, Süddeutsche Zeitung, Die Zeit და Tageszeitung ლიტერატურის კრიტიკოსები და ჟურნალისტები შეხვდებიან ქართველ მწერლებს, ჟურნალისტებს, ლიტერატურის კრიტიკოსებს და ბლოგერებს. შეხვედრას თიბისი გალერეა უმასპინძლებს.
შეხვედრას რადიო „თავისუფლების“ ჟურნალისტი და ბლოგერი ნიკო ნერგაძე გაუძღვება.
ვიზიტი 2018 წელს ფრანკფურტის წიგნის ბაზრობაზე საქართველოს საპატიო სტუმარი ქვეყნის პროგრამის მოსამზადებელი სამუშაოების ფარგლებში ხორციელდება და მიზნად ისახავს საქართველოს, როგორც მრავალსაუკუნოვანი, ასევე თანამედროვე კულტურის გაცნობასა და პოპულარიზაციას.
პროექტის პარტნიორები არიან: საქართველოს კულტურისა და ძეგლთა დაცვის სამინისტრო, საქართველოს ეროვნული მუზეუმი, ხელნაწერთა ეროვნული ცენტრი, მწერალთა სახლი, ლიტერატურის მუზეუმი, წინანდლის სახლ-მუზეუმი, გოეთეს ინსტიტუტი, ბრიტანეთის საბჭო, საქართველოს წიგნის გამომცემელთა და გამავრცელებელთა ასოციაცია, თიბისი ბანკი.